Maersk Line kompaniyasi 4 ming xodimini ishdan bo‘shatadi

Daniyaning AP Moller-Maersk konglomerati dengiz orqali yo‘lovchi va yuk tashish bilan shug‘ullanuvchi Maersk Line bo‘linmasining 4 ming nafar xodimi 2017 yil oxiriga qadar ishdan bo‘shatilishini ma'lum qildi. Bu haqda The Wall Street Journal nashri yozmoqda.

Yuk konteynerlarini yetkazib berish bo‘yicha dunyodagi eng yirik kompaniya bo‘lmish Maersk Line bozor sharoitlarining nomuvofiqligi tufayli xarajatlarini qisqartirmoqchi.

Kompaniya rahbariyati yangi avtomatlashtirilgan boshqaruv tizimlarini joriy qilish, shuningdek, ishlab chiqarish jarayonlari digitalizatsiyasi yo‘li bilan mehnat samaradorligini oshirmoqchi. Bu choralar personal miqdorini 23 ming kishidan 19 ming kishiga qisqartirish imkonini beradi.