Dizayn va innovatsiyalar sohasidagi yutuqlar 10ta kategoriyada qayd etildi: 77 dyuymli OLED televizor 2016 yil uchun “Innovatsiyalar sohasidagi eng yaxshi”deb topildi.
Avvalari maishiy texnika Assotsiatsiyasi sifatida mashhur bo‘lgan Iste'molchilar texnologiyalari assotsiatsiyasi (CTA®) LG Electronics (LG)ni texnologiya va dizayn sohasidagi yetakchiligini tan oldi va kompaniyaga innovatsion mahsulotlari uchun 21ta sovrin taqdim etdi. Mazkur mahsulotlarni 2016 yilning 6-9 yanvar kunlari Las-Vegasda bo‘lib o‘tadigan CES 2016 ko‘rgazmasida ko‘rish mumkin. LG 2016 CES® Innovation Awards`ning obro‘li darajadagi sovrinlarini 10ta yuqori raqobatga ega bo‘lgan kategoriyalarda qo‘lga kiritdi: maishiy texnika, kompyuter sohasidagi qurilmalar, kompyuter jamlanmalari va komponentlari, qulay texnologiyalar, aqlli uy, video ekranlar, naushniklar, olib yuriladigan texnologiyalar, simsiz garnituralar va garnituralarga simsiz aksessuarlar.
Shov-shuvlarga sabab bo‘lgan 2016 yilning modeli sanalgan 77 dyuymli OLED televizor, LG V10 yangi smartfoni va hozirgi kunda analogiga ega bo‘lmagan asosida SideKick™ mini-mashinasi o‘rnatilgan LG TWIN Wash™ kir yuvish mashinasi CES 2016 Innovation Award mukofotining sovrindorlari deb topildi. Mana to‘rt yildirki, OLED televizorlar va LG smartfonlar CES Innovation Awards`ning mukofotlarini qo‘lga kiritib kelmoqda. G‘oliblar orasida LG kompaniyasining boshqa vakillarini ham aytib o‘tish joiz: OLED 4K va LCD/LED 4K televizorlar, maishiy texnika, mobil qurilmalar va aksessuarlar. To‘liq ro‘yxat 5 yanvarda CES 2016 ko‘rgazmasida e'lon qilinadi.
«LG kompaniyasi «Yaxshi hayot uchun innovatsiyalar» prinsipini hayotga tadbiq etishga intilmoqda» va 2016 yil uchun CES Innovation Awards’da 10ta kategoriya bo‘yicha qo‘lga kiritilgan sovrinlarimiz berilgan va'dalarni qay darajada muvaffaqiyatli amalga oshirayotganimizni tasdiqlaydi", - deydi LG Electronics (AQSh) prezidenti va bosh menejyeri Uilyam Cho. – Inqilobiy OLED televizoridan tortib, TWIN Wash`ning yetakchi tizimigacha LG egalarining hayotini yengillashtiradigan mahsulotlarni taklif etishni davom ettirmoqda. Biz yangicha qarorlarimizni yanvar oyida CES ko‘rgazmasida namoyish etish imkoniyatini intizorlik bilan kutyapmiz.
LG OLED televizorlarining yetuk lineykasi televizion texnologiyalarini butunlay yangicha darajaga olib chiqdi. 2016 yil uchun «Innovatsiyalar sohasidagi eng yaxshi» mukofotiga sazovor bo‘lgan 77 dyuymli 4K OLED televizor zamonaviy loyihalashtirish va dizayn sohasidagi ulkan yutuqlari uchun hakamlar tomonidan alohida e'tirof etildi. A'lo darajadagi yetakchi dizayniga qo‘shimcha tarzda inqilobiy OLED model filmlarni yangi HDR formatida namoyish eta oladi, shuningdek tasvirlarning oliy sifatida qora rangining ideal ko‘rinishi va ranglar burchak ostida tomosha qilinganida ham jonli va yorqin bo‘lishidir. LG OLED televizorlarida qora ranglarning ideal ko‘rinishi mutanosiblikni LCD panellariga qaraganda 200 martadan ortiq to‘liqroq darajaga olib chiqadi, ranglar esa haqiqiysiga o‘xshash real ko‘rinish kasb etadi. Uy o‘yin-kulgusi sohasida CES Innovation Award’ni qo‘lga kiritgan boshqa mahsulotlar qatorida avvalgi modellar yutuqlarini meros qilib olgan yangi old proyektor, UltraWide™ monitori va premium-klass yengil noutbuk ham bor.
LG kir yuvish jarayonini mukammallashtirishda davom etyapti, bu borada asosga o‘rnatilgan SideKick™ mini-mashinasiga ega bo‘lgan TWIN Wash™ kir yuvish mashinasini taklif etmoqda. Bu kiyimlarni yuvishda ikki turli siklni birvarakayiga ishga tushirish imkoniyatini beruvchi kir yuvish bozoridagi ilk qarordir. Asosiy mashina ostida o‘rnatilgan SideKick qo‘shimcha kir yuvish mashinasi kam hajmdagi kirlarni yuvish uchun maxsus ishlab chiqilgan. U 2009 yildan so‘ng chiqarilgan, LG old yuklashga ega bo‘lgan ko‘plab modellariga mutanosibdir.
CES Innovation Award mukofotiga sazovor bo‘lgan boshqa innovatsiya kir yuvish sohasidagi LG Stylerdir. Ushbu kiyimlarini parvarish qilishning yangi elegant tizimi palto, kostyumlar, sviter va ko‘ylaklarni ko‘p vaqt sarflamasdan yaxshi holatga keltirish va yangilash imkonini beradi. U kimyoviy tozalashga borish miqdorini kamaytirish, natijada vaqt va moliya xarajatlarini qisqartirish va har kuni a'lo darajada ko‘rinish maqsadida ishlab chiqilgan.
LG V10 yangi smartfoni mobil innovatsiyalar chegaralarini kengaytish bo‘yicha mukofotga loyiq deb topildi. V10 ijod uchun yaratilgan - u video ko‘rish uchun ham, uni yaratish uchun ham yuksak multimediya imkoniyatlarini taklif etadi. Yangi smartfon o‘ziga xos ishonchliligi bilan ajralib turadi va «ikkinchi ekran», «ikki old kamera», «qo‘lda boshqariladigan video rejim» va 32 bitli Hi-Fi TsAP (raqamli analog qayta ishlovchi) kabi ajoyib xususiyatlarga ega, ular LG V10’ni yangi yil bayramlari uchun betakror sifatdagi a'lo sovg‘aga aylantiradi.
CES Innovations Awards 2016 mukofotiga sazovor bo‘lgan boshqa mobil qurilmalar qatoriga LG Watch Urbane 2nd Edition, LG TONE Active va LG Rolly klaviaturasi ham kiritilgan:
• LG Watch Urbane 2nd Edition bu OS Android Wear’da uyali aloqa qilish imkonini beruvchi qurilmadir. Endilikda foydalanuvchilar aqlli soatlardan qo‘ng‘iroq qilish, shuningdek o‘zlarinig Android va iOS smartfonlari bilan sinxronlashtirishlari mumkin.
• Bluetooth garnituralarning yangi modeli LG TONE Active o‘ziga xos dizayn sababli bo‘yinga mustahkam o‘rnashadi, suvdan himoyalanishi va o‘ziga xos naushniklari bilan ajralib turadi, bu esa garnituraga elegant tashqi ko‘rinishni ta'minlaydi.
• Aylanadigan, simsiz LG Rolly portativ klaviaturasi sumka, ryukzak yoki portfelga oson joylashadi. Dual Pairing funksiyasi yordamida klaviaturani aylantirishning o‘zi kifoya, u ikkita qurilma bilan bir vaqtning o‘zida aloqa o‘rnatadi.
«LG smartfonlari mana to‘rt yildirki har yili, CES Innovation Award tomonidan e'tirof etib kelinmoqda, - deydi Shimoliy Amerikadagi LG Electronics MobileComm katta vitse-prezidenti hamda savdo va marketing bo‘yicha boshqarma boshlig‘i Morris Li. LG V10 smartfoni, Watch Urbane 2nd Edition aqlli soatlari va mukofotga loyiq deb topilgan boshqa qurilmalar kompaniyamizning mobil texnologiyalar sohasidagi innovatsiyalarga sodiqligi namunasidir».
CES Innovation Awards mukofotlari Amerika sanoat dizaynerlari Jamiyatining ko‘magida CTA tomonidan ta'sis etilgan bo‘lib, texnologik dizayn va loyihalashtirish sohasidagi yutuqlarga e'tibor qaratadi. CES Innovation Awards mukofotlari taniqli sanoat dizayni, muhandis va jurnalistlardan tashkil topgan hakamlar tomonidan har yili taqdim etiladi, ular mukofotga da'vogarlik qilayotgan mahsulotlarni iste'molchi narhi, estetika, innovatsion dizayn, sifat va hayot sifatiga qo‘shgan hissasi kabi bir necha mezonlar bo‘yicha baholaydilar.
LG brendi AQSh bozoriga CES ko‘rgamasida 2004 yilda rasmiy kirib kelgan davridan beri CES Innovation Awards’ ning 170 dan ortiq sovriniga ega bo‘ldi.
Reklama xuquqi asosida.