Fransiya Suriyada IShID marralariga yangi zarbalarni berdi

Fransiya Mudofaa vaziri Jan-Iv Le Drian samolyotlar Suriyaning Raqqa shahridagi IShID obektlariga qarata yangi aviazarbalar turkumini yo‘llaganini ma'lum qildi, deya xabar bermoqda BFMTV telekanali.

Vazir so‘zlariga ko‘ra, harbiy amaliyotda 10 dona qiruvchi samolyot ishtirok etdi. Uning qayd etishicha, yaqin kunlarda IShID bo‘ylab zarbalar berish miqdori yanada ortadi.

Vazirning qo‘shimcha qilishicha, 18 noyabr kuni “Sharl de Goll” fransuz aviatashuvchisi O‘rta Yer dengizi sharqiga yo‘l olib, Raqqa va Dayr-az-Zaur kabi shaharlar atrofidagi alohida marralarga zarbalar yo‘naltiradi.