Parijdagi terakt qurbonlari soni 130 nafarga yetdi. Teraktlar vaqtida jarohatlanib, shifoxonaga olib kelinganlardan biri jon berdi. Bu haqda BFM telekanali xabar tarqatdi.
13 noyabr oqshomida Parij shahrida yuz bergan davomli teraktlar tufayli jarohatlanib shifoxonalarga olib kelinganlarning aksari "Bataklan" teatriga hudum vaqtida o‘q tegishidan jarohat olgan.
Oldingi xabarlarda ulardan 99 nafari ko‘p qon yo‘qotish tufayli og‘ir ahvolda ekani aytilgandi.
13 noyabr kuni oqshomida terrorchilar Parijda 7ta nuqtada o‘z maqsadlarini amalga oshirishdi. Avvaliga "Stad de Frans" stadioni yaqinida portlash, keyin Sena daryosi bo‘yidagi kafelarda o‘t ochilishi, nihoyat "Bataklan" teatrida odamlarning qirg‘in qilinishi oqibatida 129 kishi halok bo‘lgandi.
Fransiyada o‘sha kuniyoq favqulodda rejim holati o‘rnatilgan, 19 noyabr kuni bu rejim muhlati 3 oyga uzaytirilgan.
Terakt tashkilotchilaridan biri Abdulhamid Abaud 17 noyabr kuni Sen-Denida o‘tkazilgan aksilterror amaliyot vaqtida yo‘q qilindi.
Yana bir tashkilotchi Saloh Abdislom esa bir qator mamlakatlar bo‘ylab qidirilmoqda.