Chechenistonlik politsiyachilarga Muhammad payg‘ambar haqiga tilovat qilish majburiyati qo‘yildi

Checheniston Ichki ishlar vazirligi o‘z xodimlarining Muhammad payg‘ambar (s.a.v.) haqiga tilovat qilish miqdorini hisoblash tizimini kiritdi, deb xabar bermoqda RBK nashri.

Ma'lum qilinishicha, IIVning har bir xodimi 20 noyabrdan 25-27 dekabrgacha, ya'ni Muhammad payg‘ambar (s.a.v.)ning tug‘ilgan kunlari kirguncha ularning haqlariga 300 mingta qisqa tilovat o‘qishi kerak.

“IIVning rahbarlari va vazirlikka bo‘ysunuvchi barcha organ va bo‘linmalar shaxsiy tarkibi tomonidan o‘qilgan tilovatlar miqdori haqidagi ma'lumot IIV shtabiga har hafta ma'lum qilib turiladi”, deb xabar berilmoqda IIVda.

IIVda, shuningdek, xodimlarning oila a'zolari o‘qigan tilovatlar ham xodim hisobiga o‘tishi mumkinligi qo‘shimcha qilindi.

Avvalroq Dog‘istonda namoz uchun mo‘ljallangan sensorli joynamoz yaratilgani ma'lum qilingandi. Ushbu joynamoz namoz paytida namozxonlarga rakatlar hisobidan adashib ketmaslikka yordam beradi.