O‘zbekiston va Pokiston Toshkentdagi sammitdan so‘ng o‘zaro munosabatlar yanada kuchayishidan umid qilmoqda. Pokiston bosh vaziri Miyon Muhammad Navoz Sharif 17 noyabr kuni Toshkentga 2 kunlik safar bilan kelib, O‘zbekiston prezidenti Islom Karimov bilan muzokaralar o‘tkazdi. Safar savdo-iqtisodiy hamkorlikni kengaytirish to‘g‘risidagi shartnoma imzolanishi bilan yakunlandi.
Tomonlar yillik tovar aylanmasini 300 mln dollarga yetkazishni rejalashtirmoqda. Bu yilgi sonlar ma'lum emas, ammo 2010 yili bu ko‘rsatkich 40 mln dollarni tashkil qilgan edi. Ammo mamlakatlar aholisining ko‘pligi inobatga olinsa, bu sohadan keladigan daromadni ancha oshirsa bo‘ladi.
Shuningdek, ikki davlat xavfsizlik sohasidagi hamkorlikni kengaytirishni rejalashtirmoqda. Mintaqaviy terrorizm kuchli pozitsiyalarga ega bo‘lgan Afg‘oniston har ikki davlat bilan chegaradoshdir, shuning uchun ularning umumiy manfaatlari va xatarlari mavjud. Shu bois ikki davlat rahbarining qo‘shma bayonotidan BMT ko‘magida Afg‘onistonda tez muddatda tinchlik o‘rnatishga chaqiriqlar o‘rin oldi.