OTB Tojikistonga 60 mln dollar ajratadi

Osiyo taraqqiyot banki mamlakatdagi investitsion muhitni qo‘llab-quvvatlash maqsadida Tojikistonga 60 mln dollar miqdorida moddiy yordam ajratadi. Bu haqda bank tarqatgan matbuot xabarnomasida aytildi.

“Osiyo taraqqiyot banki Tojikistonda iqtisodiy manfaatli imkoniyatlarni kengaytirish, xususiy sektorni rivojlantirish va investitsiyalar jalb qilishga yo‘naltirilgan dasturning birinchi fazasi doirasida 60 mln AQSh dollari miqdorida byudjyet yordamini ma'qulladi”, - deyiladi xabarnomada.

Ta'kidlanishicha, OTB hukumat tomonidan biznesni rivojlantirish maqsadida struktur islohotlarning o‘tkazilishini qo‘llab-quvvatlash maqsadida moddiy yordam ajratishga qaror qilgan.