Afg‘oniston razvedka xizmatining yetakchi namoyondalaridan biri, milliy xavfsizlik xizmati rahbari Rahmatulla Nabilya iste'foga chiqqanini ma'lum qildi. Bu haqda Reyter agentligi xabar tarqatgan.
Uning so‘zlariga ko‘ra, bu qaror u va mamlakat prezidenti Ashraf G‘ani o‘rtasida yuzaga kelgan tushunmovchilik bilan bog‘liq.
Qayd etilishicha, uning iste'foga chiqishi haqidagi xabar Qandahordagi aeroportga tolibonlar hujum qilishi bilan bir vaqtda sodir bo‘ldi.
Bundan oldinroq, Afg‘onistonning Qandahor viloyatida “Tolibon” ekstremistik harakati jangarilarining aeroportga uyushtirgan hujumi oqibatida halok bo‘lganlar soni 50 kishiga yetgan0i, yana 37 kishi yaralangani haqida xabar berilgandi.