FXB A321 bortidagi portlovchi modda turini aniqladi

Rossiya Federal xavfsizlik xizmati xodimlari Sinayda halokatga uchragan A321 laynerining bortida o‘rnatilgan portlovchi modda turini aniqladi. Bu haqda “Kommersant'” gazetasi xabar bermoqda.

Aytilishicha, idora ekspertlari kichik hajmli plastitli bomba haqida gapirmoqda. Ularning fikricha, bomba salon orqasidagi o‘rindiqlardan birining ostiga o‘ng bort bo‘ylab o‘rnatilgan. Aynan shu portlash tufayli bir metrli tirqish yuzaga kelib, samolyot havoda vayron bo‘lgan.

Rossiyalik ekspertlar layner detallari va parchalarini voqea joyidan olib chiqish imkoniyatiga ega bo‘lmagan, shu bois ular halok bo‘lgan yo‘lovchilar bagajini tekshirgan, shuningdek, samolyotning ayrim qismlarini ko‘zdan kechirgan.
Hozircha ushbu versiya o‘z tasdig‘ini topmagani, detallar keyingi tadqiqotlar mobaynida aniqlashtirilishi ta'kidlanmoqda.