Xorazmda 2016 yilda 3000 dona elektrovelosiped ishlab chiqariladi

Xorazm viloyati Qo‘shko‘pir tumanidagi "Qo‘shko‘pirtexnoimpeks" mas'uliyati cheklangan jamiyati hozirgacha zamonaviy akkumulyator batareyalari bilan jihozlangan 200 dona elektrovelosipedlarni savdo shoxobchalariga yetkazib berdi.

Elektrovelosiped ishlab chiqarishga ixtisoslashgan mazkur korxona 2015 yilda 150 ming dollar miqdoridagi investitsiya kiritilishi hisobidan o‘z faoliyatini boshlagan edi.

Korxona rahbarining so‘zlariga ko‘ra, 2016 yilda uch mingta elektrovelosiped ishlab chiqarish va asosan ichki bozorda sotish rejalashtirilgan.

Kelgusida korxona faoliyatini yanada kengaytirishni va ish o‘rinlarini ko‘paytirish mo‘ljallangan.