Rossiya terma jamoasi sobiq bosh murabbiyi Fabio Kapello, Madridning «Real» klubi sobiq futbolchisi Ronaldo o‘z vaqtida jamoa ichki muhitiga salbiy ta'sir ko‘rsatganini ta'kidlab o‘tdi.
«Men «Real»ga kelganimda, uning vazni 96 kilgrammni tashkil qilardi. Men unga 88 – 90 kilogrammgacha tushishi kerakligini aytganman. Men hech nima qila olmasdim. U ajoyib futbolchi, ammo yomon yetakchi edi.
Yanvarda u jamoani tark etdi va jamoadagi muhit butunlay o‘zgardi. Biz «Barselona» bilan oradagi 9 ochkolik farqni yo‘qotdik. Aslida o‘zi bizni ro‘yxatdan chiqarib qo‘yishgandi», - deya Kapellodan iqtibos keltiradi Rai Sport.
Italiyalik mutaxassis madridliklarni 2006/07 yilgi mavsum davomida boshqarib borgan va mamlakat chempionligini qo‘lga kiritgan. Uning murabbiylik davrida Ronaldo «Real»dan «Milan»ga ko‘chib o‘tgandi.