Belarusda 2016 yildagi ilk o‘lim hukmi o‘qildi

Belarusda 2016 yildagi ilk o‘lim hukmi o‘qildi. Bu oliy jazo o‘zi bilan yashovchi ayolni o‘ta vahshiylarcha o‘ldirgan erkakka chiqarilgan.

Minsk oblasti sudi Vileykida istiqomat qiladigan kishiga nisbatan o‘lim hukmini chiqargan. Erkak bundan oldin ham o‘limga sabab bo‘lgan og‘ir jismoniy shikast yetkazishlar tufayli sudlangandi.

Qayd etilishicha, Sobiq Ittifoq davrida u odam o‘ldirgani sababli otib tashlashga hukm qilingan, biroq hukm ustidan shikoyat qilingan, erkak ma'lum muddat qamoqda o‘tirgan, hamda muddat tugagach, ozodlikka chiqqan.

Hozirgi hukm hali kuchga kirgani yo‘q va uning ustidan ham shikoyat qilinishi mumkin.

Belarus Yevropada o‘lim jazosi qo‘llaniladigan yagona mamlakat hisoblanadi.