Tanganing o‘rtacha kursi tarixiy minimumni takrorladi

Qozog‘iston fond birjasi (KASE) savdolarida tanganing o‘rtacha kursi tarixiy minimumni takrorladi, deya xabar bermoqda Tengrinews.kz.
Kurs 355,52 tangaga qadar tushib ketdi.

11 yanvar kuni ertalabki ilk shartnomada bir dollarning bahosi 354,6 tanga bo‘yicha narxlanib, eng past qiymatni qayd etdi. Eng yuqorisi esa – 356,35 ga yetdi. 17 ishtirokchi qatnashgan savdolarning umumiy hajmi 50,4 mln dollarni tashkil etdi.

8 yanvar kuni Qozog‘iston tangasi tarixda birinchi marotaba psixologik muhim – bir dollar uchun 350 tangalik natijani qayd etgan edi. Shu kuni ertalabki savdolarda dollar kursi 351,85 tangaga yetdi.

Eslatib o‘tamiz, 2015 yilning 20 avgust kuni Qozog‘iston erkin suzuvchi valyutalar kursi tartibidagi yangi iqtisodiy siyosatni yo‘lga qo‘ygan edi. Shu kundan e'tiboran dollar bahosini mamlakat markaziy banki emas, balki bozor belgilaydigan bo‘ldi. Natijada dollar kursi 19 avgust kunidagi 195 tangadan 20 avgustda birdaniga 255,26 tangaga ko‘tarildi.