Angliya premer ligasi logotipi o‘zgaradi

Angliya premer ligasining Barclays bilan homiylik shartnomasi keyingi mavsumlar uchun uzaytirilmaydi. Sun nashrida yozilishicha, Barclays APLning yangi shartnomada homiylik mablag‘i oshirilishidan xavfsiragan (hozirgi shartnomaga ko‘ra bu miqdor yiliga 40 million funt, ya'ni 53,4 mln yevro).

Shartnomaning uzaytirilmasligi esa, liga logotipi o‘zgartirilishiga olib keladi. Keyingi mavsumdagi logotipda afsonaviy sher tasviri bo‘lmasligi aytilgan. Bu sher aynan Barclays`ni ifodalovchi belgi edi.

Hozircha liga rahbariyati yangi homiy izlamayapti. Lekin fevral oyida yangi ramzni yaratish uchun ijodiy agentlik tanlanadi.