Xiddink: Azarga e'tibor kerakmi? Men uning onasi emasman

"Chelsi" jamoasining yangi bosh murabbiyi Guus Xiddink jamoaning belgiyalik yarim himoyachisi Eden Azarning hozirdagi sport formasi haqidagi savollarga javob berdi.

U futbolchining avvalgi holatiga qaytishi uning o‘zi ustida ishlashiga bog‘liq ekanini qayd etib o‘tgan.

"Azarga yaxshi e'tibor kerakmi? Men uning onasi emasman. Futbolchi o‘zi haqida o‘zi qayg‘urishi kerak. Kimnidir qamchi orqali, kimnidir shunchaki qo‘l cho‘zish orqali yaxshi tomonga o‘zgartirish mumkin. Kimdir esa o‘zini qo‘lga olishi kerak bo‘ladi.

Biz Azarga o‘z darajasiga qaytishi uchun vaqt beramiz. Unga mashg‘ulotlarda ortiqcha bosim yuklanmaydi.

Azar sovrinlar yutgan futbolchi, ammo joriy mavsumda u "jismoniy holati" bilan bog‘liq muammolarga to‘qnashdi. Biz unga albatta yordam beramiz. U barcha muammolaridan xalos bo‘lib, odatdagi holatiga qaytishi kerak", deydi murabbiy Goal nashriga.