Qoʻshimcha funksionallar
-
Tungi ko‘rinish
Messi: Bir kun kelib Neymar o‘z «Oltin to‘p»ini qo‘lga kiritadi, men esa bu sovringa o‘ch emasman
«Barselona» hujumchisi Lionel Messining fikricha, «Oltin to‘p»ning keyingi egasi Neymar.
2015 yil yakunlari bo‘yicha sovrin Messiga nasib qildi. Final uchligidan Krishtianu Ronaldu («Real») va Neymar («Barselona») ham o‘rin olishgandi.
«Men bu yilda o‘tgan yillardagidan yaxshiroq o‘ynadim. 2013 va 2014 yilllarda jarohatlar tufayli o‘zimni istaganimdek ko‘rsata olmagandim. Lekin men endi yuqori formadaman. Shu bilan birgalikda, bu mukofotni qo‘lga kiritishimda Neymar va Suaresning xizmatlari katta bo‘lganini aytib o‘tishim kerak. Biz maydonda bir-birimizni ko‘zni yumgan holda tushuna olamiz. Yechinish xonasidagi va hayotdagi munosabatlarimiz esa undan ham a'lo.
Neymar kelajakda «Oltin to‘p»ni qo‘lga kiritadi, deb hisoblayman. Buning uchun unda kerakli bo‘lgan barcha xislatlar bor. U aqlbovar qilmas darajadagi futbolchi. U tezkor futbolchi. Neymar yuqori texnikaga ega va yakkama-yakka vaziyatda ajoyib harakat qiladi», — deydi Messi.
U shuningdek, Krishtianu Ronaldu bilan munoasabatlari haqidagi savollarga javob berib, u bilan maydonda raqibligini, hayotdagi munoasabatlari esa do‘stona ekanini ta'kidlagan.
Messi kelgusida Yevropada «Barselona»dan boshqa jamoa safida o‘ynamasligini faoliyatini shu jamoada yakunlamoqchiligini aytib o‘tgan.
«Balki, Argentinaga ham qaytishim mumkin. Agar yana bitta «Oltin to‘p» olsam, bundan xursand bo‘laman. Lekin men bu mukofotga o‘ch emasman», deydi Messi Marca nashriga.