Portugaliyada prezidentlik saylovi bo‘lib o‘tmoqda

Portugaliyada mamlakatning yangi prezidenti uchun saylov boshlandi. Bu haqda Reyter agentligi xabar bergan.

Ovoz berish mahalliy vaqt bilan ertalabki soat 08:00da boshlangan va kechki 19:00gacha davom etishi belgilangan.

Portugaliya qonunchiligiga ko‘ra, mamlakat prezidenti 5 yil muddatga saylanadi. Mamlakatning amaldagi prezidenti Anibal Kavaku Silvaning ikkinchi muhlati yakunlanmoqda. Agar saylovning birinchi turida nomzodlardan hech qaysisi 50 foizdan ortiq ovoz to‘play olmasa, 14 fevral kuni ikkinchi tur boshlanadi.

Qayd etilishicha, Portugaliya tarixida ilk marta prezidentlik uchun saylovda 10 nafardan ortiq nomzod ishtirok etmoqda.

Bundan oldinroq, Pedru Passush Koelyu Portugaliya bosh vazirligiga qayta tayinlangandi.