Ashxobodda Rossiya elchixonasining yangi binolari majmuasi ochiladi

Rossiya tashqi ishlar vaziri Sergey Lavrov Turkmaniston poytaxti Ashxobodga ikki kunlik safar bilan ketmoqda. Turkmaniston rahbariyati bilan muzokaralar 28 yanvarga belgilangan, bungacha Lavrov Rossiyaning Ashxoboddagi elchixonasi yangi binolari majmuasining tantanali ochilishi marosimida ishtirok etadi.

Ko‘pchilik mamlakatlarning Turkmanistondagi elchixonalari diplomatlari shaharning Qipchoq ko‘chasiga ko‘chib o‘tmoqdalar, bu yerda yangi elchilar shaharchasi bunyod qilinmoqda. Bu yerdagi barcha elchixonalar majmualari oq marmardan qurilib, Ashxobodning arxitekturaviy uslubida bajarilgan.

28 yanvarda Lavrov mamlakat rahbariyati bilan uchrashuvi davomida ikki tomonlama munosabatlarning dolzarb masalalari, jumladan savdo-iqtisodiy va insonparvarlik masalalarini muhokama qiladi.

Rossiya tashqi ishlar vazirligida ma'lum qilinishicha, “xalqaro kun tartibidagi mavzular, ikki davlatning BMT maydonchasidagi, Kaspiy “beshligi”, MDH doirasidagi hamkorligi bo‘yicha mufassal fikrlar almashish mzljallanmoqda”. “Afg‘onistondagi vaziyatni hisobga olgan holda Markaziy Osiyodagi vaziyatga e'tibor qaratiladi. Yaqin Sharqdagi xalqaro terrorchilikka qarshi kurash muammosi, Ukrainadagi inqirozli vaziyat muhokama qilinadi”, deb aytdi Rossiya tashqi ishlar vazirligining rasmiy vakili Mariya Zaxarova. Safar davomida ikki davlat tashqi ishlar vazirlari joriy yil uchun tashqi ishlar vazirliklari o‘rtasidagi hamkorlik dasturini imzolaydilar.