Jo‘rabek Karimov Australian Open finalida mag‘lub bo‘ldi

O‘zbekistonlik yosh tennischi Jo‘rabek Karimov Avstraliyaning Melburn shahrida o‘smirlar o‘rtasidagi o‘tkazilgan Avstraliya ochiq chempionati finalida avstraliyalik Oliver Andersondan 2:6, 6:1, 1:6 hisobida mag‘lubiyatga uchradi. Bahs 1 soat 41 daqiqa davom etdi.
Avstraliyaning Brisben shahrida ATP turnirlarida birinchi bor bahsga chiqqan 17 yoshli Anderson uchun mazkur g‘oliblik o‘smirlar o‘rtasidagi Katta dubulg‘a turnirlaridagi birinchisi bo‘ldi.

Bugungi kunda Jo‘rabek Karimov ITF jahon reytingida 13- pog‘onanini band etib turibdi. ATP reytingida esa u 784- o‘rinda. O‘tgan yili Karimov mazkur musobaqaning yarim finaliga qadar yetib borgan edi. O‘shanda musobaqani rossiyalik Roman Safiullindan uchragan mag‘lubiyatdan so‘ng tark etgandi.