Los-Anjyeles shahrida, Dolby Theatre saroyi zalida 88 marta Gollivudning har yilning eng yaxshilari uchun "Oskar" mukofotlarini topshirish marosimi bo‘lib o‘tmoqda. Marosim ABC kanalidan translyatsiya qilinmoqda.
Britaniyaliklar tomonidan taqdim etilgan, qo‘shiqchi Emi Uaynhausning hayoti haqida hikoya qiluvchi "Emi" filmi Amerika kinoakademiyasi tomonidan "Oskar" kinomukofotiga sazovor ko‘rildi.
Bu yo‘nalishdagi g‘oliblik uchun isroillik rejissyor Yevgeniya Afineyevskiyning “Alanga ichidagi qish: Ukraina ozodlik uchun” filmi, hujjatli vestern janridagi “Kartellar zamini”, daniyaliklarning “Sukunat nigohi” nomli filmi, amerikalik qo‘shiqchi Nine Simon hayoti haqidagi “Miss Simon, nima bo‘ldi?” filmi da'vogarlik qilgandi.
AQSh kinematografiya ilmi va san'ati bo‘yicha mukofot har yili 24 nominatsiya bo‘yicha topshiriladi. Sovrindorlar qo‘lida qilich ushlab, kinoplenka g‘altagi ustida turgan Ritsar shaklidagi haykalchani qo‘lga kiritishadi.