Xitoy Janubi-Xitoy dengizidagi bahsli Spratli arxipelagi tarkibiga kiruvchi Zubi marjonqoyasida 55 metrlik mayoq qurilishini yakuniga yetkazdi.
Mayoq qurilishi 2015 yil oktabrida boshlangan edi, deb xabar bermoqda "Sinxua" axborot agentligi.
Spratli arxipelagi hududiga egalik qilish borasida bir nechta davlat, jumladan Xitoy, Vetnam, Tayvan, Malayziya, Filippin va Bruney bahslashib kelmoqda. Orollarda katta miqdorda neft va gaz konlari mavjud va bir nechta davlat harbiylari joylashgan.
Zubidan 16 km uzoqlikda Filippin tomonidan nazorat qilinuvchi Titu oroli bor.
Bir qancha muddat avval Xitoy arxipelag marjonqoyalarini jumladan harbiy infratuzilma qurish uchun orollarga aylantirish loyihasini boshlagandi.