Toshkent shahrida 20 apreldan 9 va 13-tramvay yo‘nalishlari yopilishi haqidagi ma'lumot o‘z tasdig‘ini topmadi. Bugun, chorshanba kuni shaharda bu yo‘nalishlarda tramvaylar qatnovi davom etdi.
UZ24 saytining «Toshshahartransxizmat»ga asoslanib bergan xabariga ko‘ra, hozircha Toshkent shahar hokimligi tomonidan bu haqda buyruq bo‘lmagan.
Shuningdek, bu yo‘nalishlarda harakat keyingi kunlarda ham davom etishi aytilgan. Yo‘nalishlarning yopilish muddati aniq emas.
"Yo‘nalishlar yopilishining aniq muddati yo‘q, ehtimol dushanba kuni ehtimol 1 may kuni yopilishi mumkin", deyilgan xabarda.
Eslatib o‘tamiz, avvalroq 20 apreldan boshlab 9-raqamli («Toshkent» vokzali — «Chilonzor-26» dahasi) va 13-raqamli («Toshkent» vokzali — «Qo‘yliq markazi») yo‘nalishdagi tramvaylar harakatlanishdan to‘xtashi xabar berilgan edi.