Yevropa 15 mlrd dollarlik telekommunikatsiya bitimini rad etdi

Yevropa rasmiylari Hongkongning (Hong Kong) Hatchison kompaniyasi tomonidan Britaniyaning O2 mobil operatorini xarid qilishiga ruxsat bermadi. 

Osiyoning eng badavlat kishilaridan biri Li Ka Shingga qarashli CK Hutchison konglomerati O2 mobil operatorini Buyuk Britaniyadagi o‘ziga qarashli boshqa 3ta mobil operator bilan birlashtirib, bozordagi eng yirik aloqa operatorini tashkil etmoqchi edi. U, maqsadini amalga oshirishi uchun o‘tgan yilning mart oyida Ispaniyaning Telefonica kompaniyasiga 10,25 mlrd funt sterling (14,8 mlrd dollar) taklif etgandi. 
 
Ammo, mazkur bitimni o‘rganib chiqqan Yevropa Komissiyasi, kelishuv raqobatni susaytirib, iste'molchilar uchun baland narxlar belgilanishiga olib kelishi mumkin, degan xulosaga kelgan. U Yevropa mobil aloqa bozoridagi asosiy o‘yinchilarni 4tadan 3taga qisqartirar edi.