«Arsenal» Jakaning transferi haqida e'lon qildi

Menxengladbaxning «Borussiya» jamoasi yarim himoyachisi Granit Jaka «Arsenal» a'zosi aylandi.

Londonliklar klubi asli albaniyalik, Shveytsariya terma jamoasi a'zosi bo‘lgan futbolchi bilan 5 yillik shartnoma imzolagan.

23 yoshli futbolchi bugun jamoa bazasida tibbiy ko‘rikdan o‘tgan. U «kanonirlar» safiga Yevro-2016 turniridan keyin kelib qo‘shiladi.

Tayanch yarim himoyachisi ampluasida harakatlanadigan bu futbolchining transferi uchun «Arsenal» taxminan 30 million funt sarflagan.

Jaka yangi jamoada 34 raqamli futbolka ostida o‘ynaydi. Uning maoshi miqdori haftasiga 110 ming funt sterlingni tashkil etadi.