Turkiya TIV AQShni ikkiyuzlamachilikda aybladi

Turkiya tashqi ishlar vaziri Mavlut Chovusho‘g‘li AQShning Suriya kurdlarining Demokratik ittifoq partiyasiga nisbatan pozitsiyasini ikkiyuzlamachilik deb atadi. Bunday deyishiga sabab, OAVda chiqqan Suriyadagi Amerika maxsus kuchlarining suratida harbiylar kurdlarning Demokratik ittifoq partiyasining mudofaa kuchlari ramzi tushirilgan kamuflyajda bo‘lishgan.

"Terrorizm bilan kurashayotgan ittifoqdoshlarimizning terrorchi tashkilot ramzidan foydalanishi aqlga sig‘maydi. Bu ikkilamchi standartlar va ikkiyuzlamachilik", - ma'lum qildi Chovusho‘g‘li jurnalistlarga. 

AQSh Suriyaning shimolida kurdlarni qo‘llab-quvvatlamoqda, chunki ular kurdlarning IShID bilan kurashishishga ishonchi komil. Toyib Erdo‘g‘an Demokratik ittifoq partiyasini (DIP) qo‘llab-quvvatlagani uchun Vashingtonni bir necha marotaba tanqid ostiga olgan. O‘z navbatida rasmiy Anqara DIPni Turkiyada taqiqlangan Kurdiston Ishchi partiyasi bilan bog‘liq deb hisoblaydi, shu bois ular Amerika hukumatini Turkiya va DIPdan birini tanlashga chaqirdi. Biroq Vashington DIPni terrorchi guruh deb tan olishdan bosh tortmoqda.