Asad Erdo‘g‘an tuzumini fashistik deb atadi

Suriya prezidenti Bashar Asad Turkiya prezidenti Rajab Toyib Erdo‘g‘an yuritayotgan siyosatni fashistik rejim deb atadi. Bu haqda Sputnik agentligi xabar tarqatgan.

Uning aytishicha, Halab Erdo‘g‘an uchun o‘z loyihasini (IShID - tahr) saqlab qolish uchun oxirgi umid hisoblanadi.

U terrorizmni qo‘llab-quvvatlovchi mamlakatlar Suriyani yo‘q qilish maqsadida ekanini aytgan.

"Ular konstitutsion tuzumni diniy qoidalar asosidagi tuzumga almashtirmoqchilar", degan Asad.