Huawei yaqin 5 yilda Samsung va Apple-ni ortda qoldirmoqchi

Xitoyda asos solingan Huawei Technologies kompaniyasi yaqin besh yil ichida smartfon ishlab chiqarish bozorida Apple va Samsung brendlarini ortda qoldirmoqchi va 25 % dan ziyod bo‘lgan ulushni qo‘lga kiritmoqchi.
Bu haqda kompaniyaning elektron uskunalar ishlab chiqarish yo‘nalishi direktori Richard Yu, Gongkongda o‘tgan Konvergent texnologiyalar konferentsiyasiga ta'kidlab o‘tdi. Mazkur tadbir The Wall Street Journal nashri tomonidan tashkil etilgan.
“Biz smartfon ishlab chiqarish borasida duyonda birinchi o‘ringa chiqmoqchimiz. Bu juda uzoq yo‘l, ammo biz ham juda sabrlimiz”, - deydi Richard Yu.
Ijrochi direktor so‘zlariga ko‘ra, Huawei kompaniyasi shuningdek virtual borliqni hosil etuvchi texnologiyalarni ishlab chiqarishga ham kattar e'tibor qaratqmoda.
“Virtual Reallik (VR) dasturiy platformani ishlab chiqaruvchi Alphabet Inc.’s Google kompaniyasi bilan hamkorlikda Huawei shu yilning kuz oyida virtual borliqni aks ettiruvchi smartfonlarni ishlab chiqarishni yo‘lga qo‘ymoqchi”, - deya ta'kidlab o‘tdi janob Yu.
Huawei Shvedtsiyaning Ericsson kompaniyasi bilan bir qatorda telekommunikattsion tarmoqlarni yetkazib beruvchi eng yirik kompaniyalardan biri hisoblanadi va bu borada o‘sishda davom etmoqda. So‘nggi besh yil ichida kompaniyai mobil jihozlarni ishlab chiqarish borasida ham katta yutuqlarni qo‘lga kiritdi.
Gartner kompaniyasi tadqiqotlariga ko‘ra, Huawei`ning smartfon bozoridagi ulushi shu yilning birinchi chorak yakuniga ko‘ra 8,3 % ni tashkil etgan. Samsung`ning ulushi esa – 23 %, Apple kompaniyasi - 15 % lik ko‘rsatkichga ega. O‘tgan yil birinchi choragi bilan taqqoslanadigan bo‘lsa, Huawei 2016 yilda smartfonlar sotuvini 59 foizga oshirdi.