Dasturchilar uchun WWDC 2016 anjumani doirasida Apple kompaniyasi App Store ilovalar katalogiga tegishli statistikani ma'lum qildi.
Qayd etilishicha, unda hozir 2 millondan ortiq nomlar bor. Apple App Store’dagi yuklamalarning umumiy soni 130 milliarddan oshgan.
Apple hisob-kitobiga ko‘ra, App Store’da joylashgan o‘yin va boshqa ilovalar dasturchilariga do‘kon ishga tushganidan boshlab 50 milliard dollar haq to‘langan.
Shuningdek, Apple dasturchilar daromadlarini oshirishi kerak bo‘lgan obuna bo‘yicha to‘lov sxemasidagi o‘zgarishlarni e'lon qildi, deb xabar beradi iXBT.com resursi.