11:26 / 16.06.2016
4113

Roy Hojson: «Biz Uelsdan syurpriz kutmayapmiz»

Angliya terma jamoasi bosh murabbiyi Roy Hojson Uelsga qarshi o‘yinga tayyorgarlik davomida intervyu berdi.

«Derbi muhiti – bu juda hayajonli. Angliyada, Buyuk Britaniyada, butun dunyoda bu o‘yinni intiqlik bilan kutishmoqda. Biz o‘z qardoshlarimizga qarshi o‘ynaymiz. Bu esa olovga moy quygandek. Bu holatda qiziqish ortadi.

Menimcha, uelsliklar Kris Koulmen yo‘lga qo‘ygan uslubda o‘ynashadi. Biz ularning tarkibida va o‘yinida o‘zgarish bo‘lishini, syurpriz amalga oshirilishini kutmayapmiz.

Ular to‘pga egalik qilishga yoki to‘pni topshirib qo‘yishga asoslangan qandaydir alohida uslubda o‘ynaydi, deb o‘ylamayman. Biz ham ularga syurprizlar qilmoqchi emasmiz – uelsliklar barcha futbolchilarimizni yaxshi bilishadi.

Matbuot orqali so‘z talashish boshqa, maydondagi o‘yin butunlay boshqa. Uelsliklarda bizdagi kabi bosim yo‘q. Axir ular birinchi o‘yinda g‘alaba qozonishdi, g‘alaba esa guruhdan 3 jamoa chiqishi mumkin bo‘lgan vaziyatda pley-off yo‘llanmasini deyarli kafolatlaydi», – degan Hojson.

Eslatib o‘tamiz, bundan oldinroq Uels terma jamoasi Beyl nashrlardan biriga bergan intervyusida Angliya terma jamoasining bironta futbolchisi Uels terma jamoasidan o‘rin ola olmasligi haqida gapirgandi.

Ko‘p o‘tmasdan Angliya terma jamoasi hujumchisi Ueyn Runi unga javob qaytardi.

Manba: Tribuna.UZ

Top