AQSh sudida ilk bor gapiruvchi to‘tiqush ishtirok etadi

Michigan shtatida yashovchi ayol sud jarayonida jako to‘tiqushining "bilimlari"dan foydalanish imkoniyatini izlamoqda, deb xabar bermoqda National Geographic.

2015 yilning may oyida Dyuramlar oilasida beshta o‘q tekkan jarohat bilan oila boshlig‘i Martinning jasadi topildi. U yerda, shuningdek, uning rafiqasi - Glenna ham boshdan yararlangan holda topilgan, biroq shifokorlar uning hayotini saqlab qolishdi. Hozirda ayol qotillik ayblovi bo‘yicha qamoqqa olindi: tergovlarning tasdiqlashicha, u o‘ziga o‘zi bir bahona sifatida jarohat keltirgan. Guvohlarning fikricha, er-xotinning tinimsiz urushi fojiaga sabab bo‘lgan.

Avvalroq, Martin boshqa ayol - Kristinaga uylangan, u turmush o‘rtog‘ining vafot etganini eshitgach, o‘zining shaxsiy surishtiruvini o‘tkazishga qaror qiladi.

Ma'lum bo‘lishicha, Bad laqabli uy jonivori o‘z xo‘jayinining o‘limidan so‘ng, uy egalarining ovoziga taqlid qilgan holda ayrim iboralarni ayta boshladi: Martin "Yo‘qol" deb baqirgan, xotini esa «Qayerga boraman?» (Where will I go) deb javob qaytargan. To‘tiqushning navbatdagi so‘zi esa "Otma!" bo‘lgan.  

Martinning oilasi va uning sobiq umr yo‘ldoshi Kristinaning eri o‘limiga bevosita aloqasi borligini ta'kidlamoqda.  Ular huquq-tartibot idoralariga to‘tiqushning "jumlalari"ni hisobga olishini talab qilishmoqda. Avvaliga prokuror qarshilik qilgan, biroq mutaxassisilar to‘tiqushning ma'lumotlarini ishonarli manba sifatida ishga yo‘naltirish imkoniyatlarini o‘ylab ko‘rishmoqda.