Reuters: Turkiya tankerlar o‘tishi uchun Bosforni yopib qo‘ydi

Turkiya hukumati Bosfor bo‘g‘ozini tankerlar o‘tishi uchun yopib qo‘ydi, deb xabar bermoqda bo‘g‘oz operatori GAC’ga iqtibos keltirgan holda Reuters axborot agentligi. 

Agentlik ma'lumotlariga ko‘ra, bo‘g‘oz 16 iyulga o‘tar kechasi mamlakatda harbiy to‘ntarishga urinishdan keyin "xavfsizlik nuqtai nazaridan" yopib qo‘yildi.

Turkiyada 15 iyuldan 16 iyulgacha o‘tar kechasi harbiy to‘ntarishga urinish amalga oshirildi. Anqaradagi Turkiya parlamenti binosiga ikkita bomba tashlangan, Anqara va Istanbuldagi to‘qnashuvlarda kamida 60 kishi halok bo‘lgan.