Turkiyada harbiy to‘ntarish amalga oshirishga urinishdan keyin 5 general, 29 polkovnik o‘z lavozimidan chetlatildi

Turkiyada harbiy to‘ntarish amalga oshirishga urinishdan keyin 5 general, 29 polkovnik o‘z lavozimidan chetlatildi, deb xabar bermoqda turk mansabdor shaxsiga iqtibos keltirgan holda Reuters axborot agentligi. 

Agentlikning yana bir yuqori lavozimdagi manbasi Turkiya bosh shtabi ayni vaqtda hukumattaraf qo‘shinlar tomonidan nazorat qilinayotgani, biroq to‘ntarishning bir guruh tarafdorlari hanuzgacha qarshilik ko‘rsatayotganini ma'lum qilgan.

Isyonchilar guruhi ixtiyorida bir nechta harbiy vertolyot bor, biroq hukumat qo‘shinlari ularni yaqin fursatlarda urib tushirishga tayyor, deb aytdi manba. U isyonchilar birorta ham qiruvchi samolyotga ega emasligini qo‘shimcha qilgan.