9-avgust kuni "Yuventus"futbolchisi Pol Pogbaning "Manchester Yunayted" jamoasiga transferi qayd etildi. Frantsuz yarim himoyachisi Angliya grand jamoasi bilan shartnoma imzolab, dunyoning eng qimmat o‘yinchisiga aylandi. Transfermarkt.de portali ma'lumotlariga ko‘ra, Italiya klubi Yevro-2016 kashfiyotlaridan biri bo‘lishi taxmin qilingan, ammo bo‘la olmagan futbolchini sotishdan 105 mln yevro ishlab oldi.
Ta'kidlash kerakki, ba'zan klublar sovrinlar va o‘z oldiga qo‘ygan maqsadlarini amalga oshirish uchun ko‘p millionli shartnomalarni tap tortmay amalga oshiradi. Biroq, xarid qilingan futbolchi sarf qilingan xarajatlarni "oqlamasligi" ham mumkin.
Shunday qilib, e'tiboringizga transfermarkt.de manbasiga binoan eng qimmat futbolchilar o‘nligini havola etamiz.
1. Pol Pogba (105 mln yevro, "Yuventus"dan "Manchester Yunayted"ga)
2. Garet Beyl (100,8 mln yevro to‘lanib "Tottenxem"dan "Real"ga)
3. Krishtianu Ronaldu (94 mln yevro, "Manchester Yunayted"dan "Real"ga)
4. Gonsalo Higuain (90 mln yevro, "Napoli"dan "Yuventus" klubiga)
5. Neymar (88,2 mln yevro, "Santos"dan "Barselona"ga)
6. Luis Suares (81,7 mln yevroga "Liverpul"dan "Barselona"ga)
7. Xames Rodriges (75 mln yevro, "Monako"dan "Real"ga)
8. Anxel Di Mariya (75 mln yevro, "Real"dan "Manchester Yunayted"ga)
9. Kevin De Bryuyne (74 mln yevro, "Volfsburg"dan "Manchester Siti"ga)
10. Zlatan Ibrahimovich (69,5 mln yevro, "Inter"dan "Barselona"ga)