Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Jahon | 08:34 / 14.08.2016
    6290
    1 daqiqa o‘qiladi

    Hindistonda terakt oqibatida 11 kishi yaralandi

    Foto:day.az

    Hindistonda Jammu va Kashmir shtatining Punch okrugidagi gavjum bozorda terakt sodir etildi. Noma'lum kimsalar olomon orasiga qo‘lbola bomba uloqtirgan.

    Portlash oqibatida kamida 11 kishi yaralandi, ular asosan mahalliy ziyoratgohlardan biriga ketayotgan ziyoratchilar bo‘lgan. Yaralanganlardan 3 nafarining ahvoli og‘ir ekanligi ma'lum qilingan.

    Terakt uchun javobgarlikni hozircha hech qaysi bir terrorchilik guruhi o‘z zimmasiga olmagan.

    Shtatdagi vaziyat hind xavfsizlik kuchlari "Hizb-ul-Mujahiddin" ayirmachilik guruhining yetakchilaridan biri bo‘lgan Burhon Muzaffar Vaniyni o‘ldirganlaridan keyin keskinlashib ketdi.

    Hindiston va Pokiston 1947 yildan beri Kashmir hududiga egalik qilish uchun bahslashib keladi. Aynan 1947 yili Hindiston mustaqillikka erishgach, diniy alomatiga ko‘ra ikkita davlatga bo‘linib ketgan.