Avstriyada to‘qqiz nafar iroqlik qochqin qo‘lga olindi

Avstriya politsiyasi 9 nafar iroqlik qochqinni GFR fuqarosiga nisbatan jinsiy tajovuz qilganlikda gumon qilib, qo‘lga oldi. Voqea Yangi yil kechasi Venada sodir bo‘lgan edi. 

Ayblov tomoniga ko‘ra, iroqlik qochqinlar 28-yoshli ayolni hibsga olinganlardan ikki nafari istiqomat qilgan xonadonda zo‘rlagan.

"Gumondorlar, ayolning qattiq mastligidan foydalanib qolishgan shekilli", — deya poytaxt politsiyasi hisobotidan iqtibos keltiradi Frans Press agentligi. 

Germaniyalik sayyoh ayol Yangi yilni Avstriya poytaxtining markaziy maydonida kutib olgan bo‘lsa-da, xonadonda qanday qilib paydo bo‘lganini, tajovuz qayerda amalga oshganini xotirlay olmaydi, deb qayd etadi agentlik.