AQShning Pasifika (Kaliforniya) shahrida istiqomat qiluvchi ayol halok bo‘lgan eri Jyeysh Patelning jasadini yo‘qolgan mobil telefonlarni qidiruvchi ilova orqali topdi. Bu haqda The Mercury News xabar bermoqda.
Kaliforniya yo‘l patruli vakili Arturo Montelning so‘zlariga ko‘ra, 49 yoshli erkak 18 dekabr kuni yo‘l-transport hodisasi oqibatida olingan jarohatlar tufayli jon taslim qilgan. Unga tegishli bo‘lgan Mercedes noma'lum sabablarga ko‘ra yo‘ldan chiqib ketib, taxminan o‘n metr balandlikdan pastga qulagan. «Ekspertiza halok bo‘lgan erkak qonidan alkogol yoki giyohvand moddalarni aniqlamadi», - deya qo‘shimcha qilib o‘tgan u.
Ta'kidlanishicha, Patelning turmush o‘rtog‘i erining jasadini ertasi kuni topgan hamda bu haqda avariya-qutqaruv xizmatlarini xabardor qilgan. Ayol yo‘qolgan telefonlarni qidirishda yordam beruvchi mobil ilovadan foydalandi. Bunga qadar esa u Pasifika politsiyasiga eri bedarak yo‘qolgani haqida murojaat qilgan.
Montelning so‘zlariga ko‘ra, ayol halokat joyida qutqaruvchilarni kutib oldi. Ular haydovchi jasadini tanib bo‘lgan holatga kelib qolgan avtomobildan chiqarib olish uchun maxsus gidravlik qaychilardan foydalanishgan.
