Turkiya harbiylari Qora dengiz hududida Roketsan kompaniyasi tomonidan ishlab chiqarilgan KAAN raketa tizimini muvaffaqiyat bilan sinovdan o‘tkazdi. Bu haqda Anadolu axborot agentligi xabar bergan.
Raketa Sinop viloyati hududidan uchirilgan, u 280 kilometr masofa bosgan. Jarayonni Mudofaa vaziri Fikri Ishik va Turkiya mudofaa sanoati departamenti rahbari o‘rinbosari Ismoil Demir kuzatib turgan.
KAAN raketa tizimi Istanbuldagi IDEF-2017 xalqaro ko‘rgazmasida taqdim etilgandi.
610 millimetrli KAAN raketasi armiya bo‘linmalarini samarali qo‘llab-quvvatlay oladi. Unga o‘rnatilgan GPS va navigatsiya tizimi mo‘ljalga aniq yetib borishni ta'minlaydi.