Filippin poytaxtida portlash va otishma ovozlari eshitildi: yaradorlar ko‘p

Filippin poytaxti Manilada joylashgan Resorts World Manila mehmonxonalar majmuasida portlash va otishma ovozlari eshitildi. Keyinroq ma'lum bo‘lishicha, yuz bergan otishma oqibatida 25 kishi yaralandi. Bu haqda Manila Times xabar bermoqda.

Mahalliy Qizil xoch jamiyati vakili Psay Chapterning ma'lum qilishicha, yaralanganlar shahar shifoxonalariga jo‘natilgan.

Qutqaruvchining so‘zlariga ko‘ra, ko‘plab yaradorlar yopib qo‘yilgan bino ichida qolmoqda. Ayrimlar mehmonxonaning ikkinchi qavatidan sakrab, jiddiy jarohat olgan.

ABS-CBN telekanalining guvohlarning so‘zlariga asoslanib xabar berishicha, qora kiyimli va niqobli odamlar mehmonxona kozinosining o‘yin stollarini yoqib yuborishgan.

Majmua Filippin xalqaro aeroporti ro‘parasida joylashgan. 

So‘nggi ma'lumotlarga ko‘ra, mehmonxona binosi oldida tez yordam, o‘t o‘chirish va qutqaruv xizmati xodimlari ishlamoqda.