16:35 / 08.08.2017
6959

Eron prezidenti ayol siyosatchini vazir etib tayinlay olmadi

Eron Islom Respublikasida yangi prezidentlik muddatiga saylangan Hasan Ruhoniy bugun, 8 avgust kuni mamlakat parlamentiga yangilangan Vazirlar Mahkamasi tarkibini taqdim etdi. Uning dastlabki boshqaruv davrida AQSh bilan munosabatlar ancha yaxshilangan edi: Eronga nisbatan qo‘yilgan iqtisodiy sanksiyalarning bir qismi bekor qilindi, yadro energiyasini boyitish dasturi saqlanib qoldi.

Kelgusi davrda ham Ruhoniy vazirlar qatorida Tashqi ishlar vaziri Muhammad Javod Zarif va neft vaziri Bijan Zanganihlar bilan birga ishlashini bildirdi. Yangi davrda ish boshlagan Eron davlati rahbari AQShning unga nisbatan tashqi siyosatida o‘zgarishlar yuz berishidan xavotirda hamda prezident Tramp saylovoldi davridagi va'dasini bajara olmasa, siyosiy "suiqasd"ga yo‘l qo‘ygan bo‘lishini ta'kidlagan. Bu murojaat prezident Donald Tramp tomonidan imzolangan Eronga nisbatan yangi sanksiyalarning e'lon qilinishidan so‘ng, Ruhoniy tomonidan aytilgan.

Razvedka mudofaa vazirligi Mahmud Alaviy boshqaruvida qoldi, general Amir Hotamiy esa yangi tayinlangan Mudofaa vaziri sifatida e'lon qilindi. Tajribali siyosiy arbob Is'hoq Jahongiriy mamlakat vitse-prezidenti etib tayinlandi. Hasan Ruhoniydan avvalgi boshqaruv davrida Eron Islom Respublikasini boshqargan Mahmud Ahmadinajot davrida siyosatchi ayol kishi vazir etib tayinlangan edi. Garchi saylovoldi targ‘ibot davrida “gender sezuvchanligi” barqaror holatga keltirishini aytib o‘tgan bo‘lsa ham, amaldagi prezident Hasan Ruhoniy bunday qilmadi.

Eron prezidenti ayol siyosatchini vazir etib tayinlay oladimi?

Mavzuga oid
Top