AQSh milliy razvedkasi sobiq rahbari: Trampning Finiksdagi chiqishi kishini qo‘rqitmoqda

AQSh milliy razvedkasining sobiq rahbari Jyeyms Klepper Qo‘shma Shtatlar prezidenti Donald Trampning Finiksda o‘z tarafdorlari oldida qilgan chiqishini tanqid qilib, uni “juda ham qo‘rqinchli” deb atadi. Bu haqda Independent nashri yozmoqda.

Klepper ta'kidlashicha, “Trampning bir qadar noodatiy bayonotlari, uning o‘z lavozimini tark etishiga sababchi bo‘lishi mumkin”.

“Men haqiqatdan ham u bu lavozimni egallashga qodir ekaniga shubhadaman hamda uning motivatsiyasi haqida o‘ylashni boshlayapman. Balki, u chiqish yo‘lini izlamoqda», - deya ma'lum qildi Klepper.

U Trampda yadro qurolidan foydalanish imkoniyati borligidan tashvishda ekanini ham bildirgan.

Avvalroq Donald Tramp Finiksdagi chiqishi davomida Amerika hukumatini yopib qo‘yish bilan tahdid qilgandi.