Samsung янги Galaxy S9 телефонининг дизайнига ўзгартириш киритиш борасида иш олиб бормоқда, деб хабар қилган манба. Уни ўзгартиришга сабаб: фойдаланувчиларнинг бармоқ изини сканерлаш сенсорининг жойлашувидан норозилигидир.
Galaxy гаджетлари эгаларига кўра, сканернинг камера ёнида жойлашуви бармоқнинг объективга тез-тез тегиб кетиши сабабли ноқулайликлар келтириб чиқаради. Чунки камерани тез-тез артиб туришга тўғри келади.
Samsung, шунингдек, орқа пеналдаги бошқа элементлар ташқи кўриниши устида ҳам ишламоқда. Бу билан Galaxy S9 дизайни янада жозибали бўлиши кутилмоқда.
