Frantsuz klubiga bir vaqtning o‘zida 4 mutaxassis murabbiylik qiladi

Fransiyaning “Lill” futbol klubiga bir vaqtning o‘zida 4 kishi: Fernando Da Kruz, Joao Sakramento, Benua Delaval va Frank Manto murabbiylik qiladi. Bu haqda klub saytida ma'lum qilindi.

Klub rahbariyati amaldagi murabbiy Marselo Belsani o‘z lavozimidan chetlatgandan keyin shunday qarorni qabul qildi. Argentinalik mutaxassis kasal do‘stini ko‘rgani rahbariyatdan ruxsat olmay Chiliga borgani uchun shu tariqa jazolangan.

Klub joriy mavsumda Liga 1’da 12 ochko bilan 19-o‘rinni egallamoqda. Hozirda klub hisobida 3 g‘alaba, 3 durang va 7 mag‘lubiyat bor.

Belsa jamoaga 2017 yil yozida murabbiy etib tayinlangandi. Bungacha u “Marsel”da ishlagan va undan 2015 yil avgustida ketgandi. Belsa 1998 yildan 2004 yilgacha Argentina terma jamoasiga murabbiylik qilgan.