Yaponiya tarixidagi eng yirik tunets auksiondan sotildi

Yaponiya baliqchiligi tarixidagi eng yirik tunets (okunlar oilasiga mansub, yirik yirtqich baliq) dushanba kuni Vakayama prefekturasidagi Katsuura portida tashkil etilgan auksiondan sotildi. Uning og‘irligi – 450 kilogramm, uzunligi – 2,74 metr.

Ma'lum qilinishicha, bu 1949 yildan beri tutilgan barcha tunetslardan eng kattasi hisoblanadi.

Tunets auksiondan 7,15 mln iyenaga – taxminan 67 ming dollarga sotildi.

Baliq 9 mart kuni, Xonsyu orolidan 555 kilometr janubda joylashgan Ogasavara orollari suvlarida tutildi. Baliqchilar uni suvdan chiqarib olishga taxminan bir soat vaqt sarflashdi.