Tojikiston va Rossiya aviakompaniyalar uchun o‘zaro cheklovlarni bekor qildi

Rossiya va Tojikiston aviakompaniyalar uchun har ikki tomondan ham joriy etilgan cheklovlarni bekor qildi. Bu haqda RIA «Novosti» Rossiya Transport vazirligi vakiliga asosan xabar bermoqda.

«Delegatsiyalar Rossiya hamda Tojikiston o‘rtasidagi havo qatnovini rivojlantirishga yo‘naltirilgan keyingi qo‘shma qadamlar haqida kelishib oldi. Tomonlar tashuvchilar tomonidan 2017-2018 yil qishki jadvali doirasida belgilangan parvozlarning to‘la hajmini tasdiqlashdi. Avval joriy etilgan barcha cheklovlar bekor qilindi, jumladan oldindan aytilganlari ham», - deya ma'lum qilishgan vazirlikdan.

Shuningdek ma'lum bo‘lishicha, parvozlar jadvaliga yozgi mavsumdan to‘rtta yangi yo‘nalish qo‘shiladi: Perm-Dushanbe, «Jukovskiy»-Ko‘lob, Chelyabinsk-Xo‘jand va Krasnodar-Xo‘jand.