UFC’dagi rossiyalik jangchi Habib Nurmagomedovning jamoasi 2018 yil noyabrida ringga chiqishni rejalashtirmoqda. TASS xabariga ko‘ra, asosiy raqiblar sifatida irlandiyalik Konor Makgregor va amerikalik Dastin Pore nomzodi ko‘rib chiqilmoqda.
Sportchining menejyeri Rizvan Magomedov so‘zlariga ko‘ra, janglar borasidagi muzokaralar hozircha boshlanmadi.
«Makgregor bilan aniq muzokaralar hozircha yo‘q. Bizda shunday reja bor, Habib noyabrda u bilan jang o‘tkazishi lozim», - deya ma'lum qilgan u.
2018 yilning 7 aprel kuni Nurmagomedov yengil vaznda UFC chempioni kamarini qo‘lga kiritdi. U amerikalik El Yakvintani besh raundda taslim etdi. Makgregor aralash yakkakurashlar qoidalari bo‘yicha (MMA) o‘zining so‘nggi jangini 2016 yil noyabrida o‘tkazdi, Dastin Pore esa 14 aprel kuni Jastin Gayeji ustidan g‘alaba qozondi.
Eslatib o‘tamiz, avvalroq Nurmagomedovning otasi o‘g‘li UFC’da qancha ishlab topayotganini aytgandi.
