Xizmat vazifasini bajarayotgan xodimlarga jarohat yetkazishdi - IIV

Jizzax viloyatining Paxtakor tumanida 2 iyun kuni tuman IIB profilaktika inspektori H.R. va “Do‘stlik” MFY xotin-qizlar bo‘yicha mutaxassisi M.O. ismli ayollar Zamin ko‘chasida yashovchi S.X.ning uyida notanish fuqaro ro‘yxatdan o‘tmasdan yashayotganligi yuzasidan aniqlik kiritish maqsadida borganlar.

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, Sirdaryo viloyati Sardoba tumanida yashovchi Z.N. ismli ayol shu uyda ro‘yxatdan o‘tmasdan yashayotganligi hamda shu yerda bo‘lgan uning tanishi, Jizzax shahrida yashovchi D.S. yalang‘och holda turganligi sababli, profilaktika inspektori H.R. ularni tartibga chaqirgan.

D.S. xodimga nisbatan faol qarshilik ko‘rsatib, profilaktika inspektorini boshiga hamda M.O.ni yuziga qo‘llari bilan urib jarohat yetkazgan. 

Natijada profilaktika inspektori va “Do‘stlik” MFY Xotin-qizlar bo‘yicha mutaxassisi M.O.lar kasalxonaga yotqizilganlar. D.S. ushlangan.

Eslatib o‘tamiz, avvalroq YPX xodimi va ajratishga uringan rafiqasini «do‘pposlagan» haydovchiga jazo tayinlangandi.