Toshkent shahrida bir kun ichida 700 martaga yaqin tezlik oshirilganligi holati qayd etildi

Toshkent shahrida haydovchilar tomonidan bir kun ichida 700 martaga yaqin tezlik oshirilishi holatlari yuz berdi. Bu haqda Toshkent shahar IIBB YHXB matbuot xizmati xabar bermoqda.

Xabarda aytilishicha, 7 sentabrdan 13 sentabrgacha bo‘lgan muddat ichida mobil (ko‘chma) radarlar tomonidan shahar ko‘chalarida 9870 ta tezlik oshirilganligi faktlari qayd etildi. 

“7 sentabr kunining o‘zida 523,  12 sentabr kuni esa 520 marta tezlik oshirilganligi holatlari qayd etildi.  13 sentabr kuni radarlar 690 marta tezlik oshirilganligi faktlarini qayd etdilar”, deyiladi xabarda. 

Avvalroq yo‘l harakati qoidalariga piyodalar tomonidan ham rioya etilishini ta'minlash maqsadida Chilonzor tumanidagi Seul ko‘chasida joylashgan Mehribonlik uyi qarshisidagi piyodalar kesib o‘tish yo‘lakchasi yangicha ko‘rinish kasb etgani xabar qilingandi.