Shavkat Mirziyoyev AQShning xalqaro diniy erkinlik masalalari bo‘yicha elchisini qabul qiladi

17 sentabr kuni AQSh Davlat departamentining xalqaro diniy erkinlik masalalari bo‘yicha elchisi Sem Braunbek rahbarligidagi delegatsiya O‘zbekistonga keladi.

Tashqi ishlar vazirligi matbuot xizmati xabariga ko‘ra, Amerika delegatsiyasi prezident Shavkat Mirziyoyev tomonidan qabul qilinishi kutilmoqda.

Tashrif dasturiga ko‘ra, Oliy Majlis Senati, Bosh prokuratura, Tashqi ishlar vazirligi, Adliya vazirligi, O‘zbekiston musulmonlari boshqarmasida uchrashuv va muzokaralar o‘tkaziladi.

Shuningdek, Toshkent shahrida delegatsiya a'zolari «Diniy bag‘rikenglik: O‘zbekiston va AQSh tajribasi» mavzusidagi davra suhbatida ishtirok etadi.