O‘zbekistonda Milliy banklararo protsessing markazi tashkil etiladi

O‘zbekistonda naqd pulsiz to‘lov tizimi keng ommalashgan. So‘nggi vaqtlarda bu borada erishilgan yutuqlarga qaramay to‘lov tizimlarini rivojlantirish uchun zamonaviy texnologik yechimlarni joriy etish borasida qator kamchiliklar mavjudligi ko‘zga tashlanmoqda, deb yozadi O‘zA.

To‘lovlar davomiyligini ta'minlash, sohaga innovatsion mahsulotlarni jalb etish, mavjud bank xizmatlari va to‘lov xizmatlari bozorida raqobatni rivojlantirish davr talabiga aylanib bormoqda. 

Bu boradagi muammolarni bartaraf etish, shuningdek, Harakatlar strategiyasida belgilangan ustuvor yo‘nalishlar ijrosini ta'minlash maqsadida O‘zbekistonda Milliy banklararo protsessing markazi tashkil etilmoqda. 

Ushbu maqsadlar O‘zbekiston Respublikasi prezidentining 2018 yil 19 sentabrda imzolagan «Milliy to‘lov tizimini rivojlantirish chora-tadbirlari to‘g‘risida»gi qarorida nazarda tutilgan.