Buyuk Britaniya bosh vaziri Tereza Meyning ma'lum qilishicha, Yevropa ittifoqi (YeI) tarkibidan chiqib ketgach, chet ellik yuqori malakali mutaxassislar mamlakatga ustuvor tartibda qabul qilinadi. Bu haqda Reuters bosh vazir bayonotiga asosan xabar bermoqda.
Meyning so‘zlariga ko‘ra, Britaniyada mamlakatga kiruvchi chet ellik mutaxassislarning malakasini baholash tizimi joriy etiladi. Uning ta'kidlashicha, Britaniya hukumati qandaydir alohida mamlakat fuqarolariga ustuvor ahamiyat qaratmaydi.
«Bu dunyo bo‘ylab odamlarni izlaydigan va bizga kerakli bo‘lgan malakaga ega shaxslarni jalb qiladigan tizim bo‘ladi», - deyiladi Meyning bayonotida.
Eslatib o‘tamiz, avvalroq Buyuk Britaniya mamlakatga kelayotgan ba'zi ishchilarga imtiyozlarni bekor qilgani xabar berilgandi.
